Chce sie zyc

Mateuş uşaq serebral iflici ilə dünyaya gəlib, buna görə də danışa bilmir və yalnız iməkləyərək hərəkət edir. Həkimlər onun əqli cəhətdən tamamilə yararsız olduğunu bildirərək ümidləri kəsirlər. Bacısı ona təhqirlə yanaşır, qardaşı isə məktəbə getmək məcburiyyətində qalmadığı üçün sadəcə ona həsəd aparır.

Bütün bu çətinliklərə baxmayaraq, heç vaxt təslim olmamağı prinsip seçən ata və ana övladından üz döndərmir. Valideynlər bu dilsiz bədənin daxilində tamdəyərli bir insanın yaşadığına qəlbən inanırlar. Onların bu inamı əsassız deyil, çünki Mateuş həqiqətən də ətrafında baş verən hər şeyi anlayır.

«Chce sie zyc» adlı Polşa istehsalı olan dram filmi 2013-cü ildə rejissor Matsey Pepşitsa tərəfindən lentə alınıb. Ekran əsərində əsas rolları David Oqrodnik, Dorota Kolak, Arkadiuş Yakubik və Helena Suyetska canlandırıblar.