Xatirələr

Ədəbiyyat sahəsində təhsil alan Romen gələcəkdə öz kitabını yazmaq barədə düşünür. Lakin ailəsində baş verənlər ona rahatlıq vermir. Təqaüdə çıxması ilə barışa bilməyən ata, həyatını daha rəngarəng etmək istəyən ana və ərini itirdikdən sonra qocalar evinə köçürülən nənə gəncin fikrini daim yayındırır.

Bir gün sevimli nənə heç kimə xəbər vermədən təkbaşına səfərə çıxaraq qocalar evini tərk edir. İtkin düşən ahıl qadını axtarmağa başlayan Romen bu yolçuluq zamanı keçmişi və indiki anı daha dərindən dərk etməyə çalışır.

«Les souvenirs» filmi 2014-cü ildə Fransada lentə alınıb. Jan-Pol Ruvun rejissorluq etdiyi bu dramatik komediyada əsas rolları Mişel Blan, Anni Kordi, Metyu Spinozi və Şantal Lobi paylaşıblar.