Şayiələr

Dünyanın aparıcı demokratik ölkələrinin rəhbərləri "Böyük yeddilik" sammiti üçün Almaniyanın ucqar guşələrindən birinə toplaşırlar. Görüşdən öncə siyasətçilər yaxınlıqdakı bataqlıqda tapılmış qədim mumiya ilə xatirə şəkli çəkdirirlər. Daha sonra dövlət başçıları xüsusi quraşdırılmış çardaqda şam yeməyinə əyləşərək sammitin yekun bəyannaməsini hazırlamağa başlayırlar.

Sənədin mətni üzərində müzakirələr axşamadək davam edir. Çox keçmədən prezidentlər və baş nazirlər ətrafdakı bütün xidmət heyətinin qəfil yoxa çıxdığını fərq edirlər. Meşənin qaranlığında liderləri narahat edən sirli və qəribə hadisələr cərəyan etməyə başlayır.

"Rumours" adlı bu film 2024-cü ildə ABŞ, Böyük Britaniya, Kanada, Almaniya və Macarıstanın birgə istehsalı ilə ərsəyə gətirilib. Qay Meddin və Evan Consonun idarə etdiyi ekran əsərində baş rolları Keyt Blanşett, Alisiya Vikander, Takehiro Hira və Dorina Mayer canlandırırlar.