İblisi qovan: Tarixçə

İkinci Dünya müharibəsinin bitməsindən üç il sonra keşiş Lankester Merrin Britaniyanın Şərqi Afrikadakı torpaqlarında arxeoloji qazıntılara rəhbərlik edir. Tədqiqat qrupu əsrlər boyu toxunulmaz qalan qədim Bizans kilsəsini üzə çıxarır. Məbədin dərinliklərində isə qəddar qurbanvermə və ayinlərin izlərini daşıyan yeraltı sərdabə tapılır.

Yerli sakinlər arxeoloqların qədim iblisi sərbəst buraxdığını iddia edirlər. Bu xəbərdarlığa yalnız gənc keşiş Frensis inanır və qisasçı ruhun kiçik bir uşağın bədəninə girdiyindən şübhələnir. Çox keçmədən Merrin də bu dəhşətli həqiqətlə üzləşir. Uşağı xilas etmək istəyən keşiş müharibə dəhşətlərindən sonra itirdiyi Allaha olan inamını yenidən xatırlamalı olur.

«İblisi qovan: Tarixçə» filmi amerikalı rejissor Pol Şreder tərəfindən lentə alınıb. 2005-ci ildə nümayiş olunan bu qorxu filmi məşhur franşizanın bir hissəsidir. Əsas obrazları Stellan Skarsqard, Rik Uorden, Ralf Braun və Marsello Santoni canlandırıb.