Qəfəsdə

Məhkəmə həkim Harlou Reydi öz həyat yoldaşını öldürməkdə təqsirli bilir və onu həbsxanaya göndərir. Cəzaçəkmə müəssisəsində o, dərhal təcrid olunaraq təkadamlıq kameraya salınır. Qapalı mühitdə dustağın psixikası tab gətirmir: onu daxili qorxular, dəhşətli kabuslar və rəhmətə getmiş arvadının xəyalı izləməyə başlayır.

Kameranın divarları arasında qalan həkimin vəziyyəti tədricən daha da ağırlaşır. Məhbuslara qarşı özünəməxsus qəddar tərbiyə üsullarından istifadə edən qadın nəzarətçinin amansız rəftarı onun ağlını itirmək həddinə çatmasına səbəb olur.

ABŞ və Böyük Britaniya istehsalı olan «Qəfəsdə» (Caged) filmi 2021-ci ildə işıq üzü görüb. Rejissor Aaron Fyelmanın dram, triller və qorxu janrlarında çəkdiyi layihədə baş rolları Di En Ey, Cessa Zarubika, Kris Blasman və Kenion Qlover canlandırıblar.