Nemesis

Şimali Karolinadakı sakit bir monastırda yaşayan və təqaüdə çıxmağa hazırlaşan Tomas ata İstanbuldan tapılmış sirli Bizans kəşfləri ilə dərindən maraqlanır. Qədim məktubları tərcümə etmək məqsədilə o, bir neçə dil bilən gənc keşiş Adrieli monastıra dəvət edir. Burada Adriel Tomas atanın azad fikirli qızı Qreysin diqqətini çəkir və gənc qadın onun gizli keçmişini öyrənməyə çalışır.

Qreys və Adriel kamil olmağın mənasını araşdıran qeyri-adi bir intellektual oyuna başlayırlar. İfadəli jestlər və xüsusi sözlərlə davam edən bu ünsiyyət Adrielin rəssamlıq da daxil olmaqla gizli bacarıqlarını üzə çıxarır. Əyləncəli başlayan dialoq getdikcə hər iki tərəfin gizlətdiyi sirləri büruzə verən gərgin bir mənəvi axtarışa çevrilir.

Türkiyə istehsalı olan qısametrajlı dram filmi «Nemesis» 2025-ci ildə rejissor Zin Atas tərəfindən çəkilib. Ekran əsərində əsas rolları Çarlz Kerroll, Dəniz Əkinçi və Anton canlandırır.