Qrand Sentral

Qari hər şeyə öz zəhməti ilə çatmağı bacaran və hər şeyi tez qavrayan fərasətli bir gəncdir. Müxtəlif təsadüfi işlərdən sonra o, atom elektrik stansiyasında çalışmağa başlayır. Reaktorların yaxınlığında, radiasiya təhlükəsi altında işləyərkən o, axtardığı qazancı, etibarlı dostları və ailə mühitini tapır.

Qari burada həmkarı Toninin həyat yoldaşı Karol ilə tanış olur və ona aşiq olur. Bu qadağan olunmuş sevgi və radiasiya şüalanması tədricən gəncin həyatını zəhərləməyə başlayır. Yeni başlayan hər gün onun üçün ciddi təhlükə mənbəyinə çevrilir.

«Qrand Sentral» bədii filmi 2013-cü ildə Fransa və Avstriya kinematoqrafçıları tərəfindən çəkilib. Ekran əsərinin rejissoru Rebekka Zlotovskidir, baş rollarda isə Tahar Rahim, Lea Seydu, Fransua Neqre və Maeva Fertye çıxış edir.