Çəhrayı bulud

Giovanna və Yagonun təsadüfi tanışlığı qızın ikimərtəbəli evində başa çatır. Spirtli içkinin təsiri ilə gecə planlaşdırdıqları kimi keçmir və hər iki qəhrəman yuxuya gedir. Səhər isə onları sirenlərin səsi və təcili xəbərdarlıqlar oyadır.

Səmanı ölümcül qazlar yayan qəribə çəhrayı buludlar bürüyür və rəhbərlik hamıya qapı-pəncərəni bağlayıb evdə qalmağı əmr edir. Təsadüfən bir araya gələn iki yad insan eyni evin içində qapalı qalaraq naməlum təhlükə ilə üzləşməli olur.

«Çəhrayı bulud» (A Nuvem Rosa) adlı elmi-fantastik dram filmi Braziliyada rejissor Yuli Gerbase tərəfindən çəkilib. Baş rolları Girley Paes və Eduardo Mendonça canlandırır. Ekran işi 2021-ci ildə işıq üzü görüb.