La stanza

Stella həyatına qəsd etmək ərəfəsindəykən qapının döyülməsi hər şeyi dəyişir. Qapı arxasında dayanan yad adam bu evdə qonaq otağı bron etdiyini bildirir. Qadını heyrətləndirən məqam isə bu qəribin sanki onu illərdir çox yaxşı tanıması olur. Həmin şəxsin sirli davranışı Stellada maraq oyadır və o, tanımadığı adamı içəri buraxmağa qərar verir.

Lakin Stellanın qəlbini qırmış Sandronun evə gəlişi ilə vəziyyət tamam fərqli məcraya yönəlir. Üç nəfərin bir məkanda toqquşması evi xaosa və gərginliyə qərq edir. Hər kəsin gizlətdiyi mətləblər üzə çıxdıqca divarlar arasındakı ab-hava dözülməz həddə çatır.

İtaliya istehsalı olan «La stanza» filmi 2020-ci ildə rejissor Stefano Lodoviki tərəfindən ekranlaşdırılıb. Qorxu, dram və triller elementlərini birləşdirən lentdə baş rolları Kamilla Filippi, Quido Kaprino, Edoardo Peşe və Romeo Pelleqrini canlandırıblar.