Molox

Uşaq ikən Betrik 1991-ci ildə nənəsinin müəmmalı ölümünə şahid olmuş, lakin keçirdiyi qorxu hissi hadisənin təfərrüatlarını onun yaddaşından silmişdi. Otuz il sonra o, tənha ana kimi yaşayır və şəxsi həyatı qaydasında olmadığı üçün qoca valideynlərinin evində qalır.

Yaxınlıqdakı bataqlıqlarda arxeoloji qazıntılar başlayanda torpağın altından yaxşı qorunmuş qadın cəsədləri üzə çıxır. Bu tapıntıdan sonra arxeoloqlardan biri Betrikin evinə soxularaq onun anasına bıçaqla hücum çəkir.

«Molox» filmi 2022-ci ildə Niderlandda rejissor Niko van den Brink tərəfindən çəkilib. Dəhşət və dram janrındakı ekran əsərində baş rolları Salli Harmsen, Albert Sekur, Villemeyn Kressenhof və Fi Nquyen canlandırıblar.