Gözəlliyin qiyməti

On dörd yaşlı Denni Hobson polis işləyən atası Alan və ögey anası Şerri ilə birlikdə yaşayır. Qonşuluqda məskunlaşan on yeddi yaşlı Syuzi Tomsona gizlicə heyran olan yeniyetmə onu izləməkdən əl çəkmir və tezliklə onunla dostluq qurur. Qız Denninin başqalarını gizli güdmək bacarığını fərq edir.

Syuzi bu qabiliyyətdən istifadə edərək üç yeniyetmə qızın — Cenni Uells, Tereza Filds və Amanda Hovatın qəfil yoxa çıxmasını araşdırmağı təklif edir. Onlar müşahidəyə yaxınlıqdakı evdən başlayırlar. Həmin evdə yaşayan Cenniferin sirli sevgilisi Maks Forster polisin yaydığı axtarış vərəqəsindəki cinayətkara həddindən artıq çox bənzəyir.

2009-cu ildə çəkilmiş «Gözəlliyin qiyməti» (Beautiful) adlı Avstraliya dram-trillerinin rejissoru Din O’Flaertidir. Əsas obrazları Coel Makkenzi, Sebastyan Qreqori, Rozi Denni və Peta Vilson canlandırıblar.