Şəhidlər dalanı

On yaşlı Lea keşiş atası, anası və dəcəl böyük bacısı ilə birlikdə kilsəyə məxsus geniş evdə böyüyür. Bu məkanda eyni zamanda sığınacaq axtaran ehtiyaclı insanlar da gecələyir. Anasının soyuq münasibətindən inciyən qızcığaz onun gecələr belə boynundan çıxarmadığı medalyona maraq göstərir və gizlicə açdığı bəzək əşyasının içindən bir çəngə saç götürür.

Çox keçmədən Lea yaxınlıqdakı meşədə qəribə bir qızla rastlaşır və onunla dostluq etməyə başlayır. Yeni tanışı gecələr Leanın otağına gələrək itmiş saç telini tapmaq və ailənin gizli keçmişini anlamaq üçün ona müxtəlif ipucları verir.

Böyük Britaniya istehsalı olan «Martyrs Lane» filmi dram və qorxu janrlarını birləşdirir. 2021-ci ildə ekranlara çıxan lentin rejissoru Rut Plettdir. Baş rollarda Ketrin Terris, Kell Uord, Stiven Kri və Culi Barklay çəkiliblər.