Juniors

On dörd yaşlı Cordan və Patrik sevimli PlayStation konsollarının sıradan çıxması ilə çətin vəziyyətə düşürlər. Fransanın cənubundakı ucqar bir kənddə yaşayan dostlar üçün yeni oyun cihazı tapmaq elə də asan olmur.

Yenidən oyun oynamaq istəyən yeniyetmələr çıxış yolunu qeyri-adi bir addımda görürlər. Onlar ağır xəstəliyə tutulduqlarını iddia edərək internet üzərindən ianə toplamağa başlayırlar və yığılan vəsaitlə konsol almağı planlaşdırırlar. Lakin bu yalanın ifşa olunma qorxusu uşaqları getdikcə daha mürəkkəb vəziyyətə salır.

2022-ci ildə ekranlara çıxan «Juniors» filminin rejissoru Yüqo Tomadır. Fransa istehsalı olan bu komediya-dramında əsas rolları Evan Burdel, Mariel Qotye, Vanessa Paradi və Frank Ropers canlandırıblar.