Bəli, Tanrım, bəli

Doqsanıncı illərin sonunda katolik məktəbində oxuyan Alisa bütün qaydalara ciddi şəkildə riayət edən dindar bir yeniyetmədir. O, günahlardan qorxaraq müntəzəm kilsəyə gedir, həmçinin «Titanik» filmindəki məşhur fayton səhnəsini dəfələrlə izlədiyi üçün vicdan əzabı çəkir. Lakin günlərin birində internet çatında aparılan gözlənilməz söhbət qızın bədənini və şəxsi hisslərini yenidən kəşf etməsinə gətirib çıxarır.

Çox keçmədən məktəbdə Alisanın qatıldığı ziyafətdə guya nalayiq davrandığına dair xoşagəlməz şayiələr yayılmağa başlayır. Dediqodulardan uzaqlaşmaq istəyən gənc qız rəfiqəsi ilə birlikdə xüsusi dini düşərgəyə yollanır; əvvəllər orada olmuş həmyaşıdları bu istirahətin onun dünyagörüşünü dəyişəcəyini iddia edirlər.

«Yes, God, Yes» komediya-dram filmi ABŞ kinematoqrafçısı Karen Məyn tərəfindən ekranlaşdırılıb. 2019-cu ildə işıq üzü görən layihənin baş rollarını Nataliya Dayer, Donna Linn Çamplin, Alişa Boe və Mark Kostilyo canlandırıb.