Həmişəlik sənə məxsusam

Ənənəvi musiqi müəllimi Pandit Darbarın evinə sənət sirlərinə yiyələnmək üçün Samir adlı bir tələbə gəlir. Gənclə ailənin gözəl qızı Nandini arasında qısa müddətdə dərin və qarşılıqlı bir məhəbbət yaranır. Lakin onların bu gizli sevgisi ev sahibinin diqqətindən yayınmır.

Qızının yad bir oğlana aşiq olduğunu öyrənən ata dərhal Samiri evindən qovur. Nandini isə atasının təkidi ilə ona səmimi qəlbdən bağlı olan hüquqşünas Vanrac ilə ailə qurur. Toydan sonra qadınının qəlbindəki kədəri və keçmiş sevgisini anlayan Vanrac, onu xoşbəxt görmək naminə ağlasığmaz bir addım atır. O, Nandinini Samirlə qovuşdurmaq üçün onunla birlikdə İtaliyaya yola düşməyə qərar verir.

1999-cu ildə çəkilmiş «Həmişəlik sənə məxsusam» filmi Hindistan və Macarıstan istehsalıdır. Ekran əsərinin rejissoru Sancay Lila Bhansalidir. Əsas obrazları Ayşvarya Ray Baççan, Salman Xan, Acay Devqan və Zohra Seqal canlandırıblar.