Heç kim sağ çıxmayacaq

Meksikadan qeyri-qanuni yollarla gələn Ambar hər qəpiyinə qənaət etməyə məcburdur. Yaxşı iş tapmaq məqsədilə saxta sənədlər almaq istəyən gənc qadın ucuz bir pansionatda otaq kirayələyir. Ev sahibi binada ondan və daha bir kirayəçidən başqa heç kəsin yaşamadığını iddia edir.

Lakin çox keçmədən köhnə mülkdə qorxulu hadisələr baş qaldırır. Ambar binada kabusların dolaşdığını hiss etməyə başlayır və ev sahibinin nələrisə gizlətdiyindən şübhələnir. Qadın qeyri-müəyyənlik və qorxu dolu bir vəziyyətlə üz-üzə qalır.

«No One Gets Out Alive» filmi 2021-ci ildə Böyük Britaniyada istehsal olunub. Dəhşət və dram janrındakı ekran əsərinin rejissoru Santyaqo Menqini, baş rol ifaçıları isə İoana Barbu, Viktoriya Olkok, Loqan Fray və Juana Borjadır.