Fırtına

1953-cü ilin qışında dəniz bəndlərinin dağılması nəticəsində Niderland ərazisini böyük daşqın bürüyür. Suların altında qalan yüzlərlə kilometr torpaq sahəsindəki təsərrüfatlar və evlər məhv olur. Təbii fəlakət vaxtı körpəsi ilə birlikdə yaşayan Yuliya adlı gənc qadının evi dağılır və o, uşağından ayrı düşür.

Ölümün bir addımlığında olan gənc ananı hərbi hava qüvvələrinin zabiti xilas edir. Ətrafdakı böyük dağıntılara baxmayaraq, Yuliya itirdiyi körpəsini axtarmaq qərarına gəlir və zabit ona bu çətin axtarışda kömək etməyə razılaşır.

«Fırtına» (De storm) filmi 2009-cu ildə rejissor Ben Somboqart tərəfindən Niderland və Belçikanın birgə istehsalı kimi lentə alınıb. Dram janrında olan filmin əsas rollarında Silviya Huks, Henriette Koh, Klemens Levert və Hava Vor in-t Holt çəkiliblər.