Missis Stounun Roma baharı

Aktrisa Karen Stoun yaşının ötdüyünü hiss edir: gənc qadın rolunda çıxış etdiyi sonuncu tamaşa uğursuzluqla nəticələnir. Səhnəni tərk etmək qərarına gələn Karen varlı əri ilə birlikdə Avropaya dincəlməyə yollanır. Lakin İtaliyaya gedən yolda həyat yoldaşı qəfil xəstələnərək vəfat edir və qadın Romaya təkbaşına gəlib çatır.

Kədər içində olan dul qadın rəfiqəsi Meqə kişi qayğısına ehtiyac duyduğunu bildirir. Rəfiqəsi onu kübar cəmiyyətdən olan vasitəçi bir qadınla tanış edir və həmin vasitəçi Karen üçün yaraşıqlı bir italyan gənci tapır. Yeni tanışına dərin hisslər bəsləməyə başlayan Karen üçün bu sevgi çox kədərli nəticələrlə müşayiət olunur.

«The Roman Spring of Mrs. Stone» adlı melodram filmi rejissor Rober Allan Akerman tərəfindən lentə alınıb. ABŞ və İrlandiya istehsalı olan bu ekran əsəri 2003-cü ildə təqdim edilib. Əsas rollarda Rikkardo Sardone, Cek Linç, Aldo Sinyoretti və Jenevyeva MakKenzi çəkiliblər.