İstədiyin hər şey

Leo və Alisiya Madriddə kiçik qızları Dafnini böyüdürlər. Lakin Alisiyanın epilepsiya səbəbindən qəfil ölümü ailənin həyatını darmadağın edir. Qızı ilə tək qalan ata hər gecə anasını çağıran və bu ağır itkini qəbul edə bilməyən uşağın kədəri ilə üz-üzə qalır.

Övladını sakitləşdirmək və ona təsəlli vermək istəyən Leo cəmiyyətin stereotiplərini kənara qoyur. O, axşamlar dünyasını dəyişmiş xanımının paltarını geyinir, parik taxır, dodaqlarını boyayır və qızı üçün ananın obrazını yaradır. Getdikcə uzanan bu təhlükəli oyun hər ikisi üçün çətin bir sınağa çevrilir.

İspaniya istehsalı olan «Todo lo que tú quieras» dramı rejissor Açero Manyas tərəfindən lentə alınıb və 2010-cu ildə işıq üzü görüb. Ekran əsərinin əsas rollarını Nayva Nimri, Çaro Qabelya, Xavyer Musua və Paloma Lorena canlandırıb.