La fée

Dom Havr şəhərinin sənaye limanı yaxınlığındakı kiçik bir oteldə gecə növbəsində çalışır. Günlərin birində otelə nə baqajı, nə də ayaqqabısı olan qəribə bir qadın daxil olur. Özünü Fiona kimi təqdim edən bu qonaq pəri olduğunu söyləyir və gəncə üç arzu tutmaq hüququ verir.

Fiona bu istəklərdən ikisini yerinə yetirdikdən sonra sirli şəkildə yoxa çıxır. Gözlənilməz qonağa vurulan Dom isə onu tapmaq ümidi ilə hər yerdə axtarışa başlayır.

«La fée» filmi 2011-ci ildə Fransa və Belçika tərəfindən birgə istehsal olunub. Komediya və dram janrındakı ekran əsərinin rejissorları Dominik Abel və Fiona Qordondur. Rollarda Sara Bensussan, Tereza Fişe, Abdu Sanya və Ofeliya Anfri çəkiliblər.