Klon

Sağalmaz xəstəliyə tutulduğunu öyrənən Sara xüsusi xidmətdən yararlanaraq özünün klonunu sifariş edir. Klon onun vərdişlərini mənimsəməli və qızın ölümündən sonra doğmalarının yanında onu əvəz etməlidir.

Lakin Sara gözlənilmədən sağalır və surətinin ləğv edilməsini tələb edir. Məlum olur ki, qanunlara əsasən, o, öz hüquqlarını qorumaq üçün yaratdığı dublikatla ölümcül döyüşə çıxmaq məcburiyyətindədir.

«Dual» elmi-fantastik triller filmi rejissor Rayli Sterns tərəfindən çəkilib. ABŞ və Finlandiya istehsalı olan layihədə baş rolları Karen Gillan, Cun Hayd, Aleks Anton və Kristofer Qummerus canlandırıb.