Bazar qanunu

Əlli bir yaşlı Tyerri təxminən iki il işsiz qalaraq müavinət hesabına dolanmaq məcburiyyətində olur. Nəhayət, axtarışlar nəticə verir və o, yerli supermarketlərin birində mühafizəçi vəzifəsinə düzəlir. Çətinliklərə baxmayaraq kiçik sevincləri dəyərləndirməyi bacaran qəhrəman üçün həyatın qaydasına düşdüyü görünür.

Lakin yeni iş yeri Tyerri qarşısında gözlənilməz mənəvi sınaqlar qoyur. Vəzifə borcunu yerinə yetirərkən o, ədalət prinsipləri ilə insanlara qarşı mərhəmət hissi arasında seçim etmək məcburiyyətində qalır. Zəhmətlə tapdığı qazanc yerini yenidən itirmək qorxusu qəhrəmanı daxili ziddiyyətlərlə üz-üzə qoyur.

«Bazar qanunu» (La loi du marché) adlı dram filmi Fransada rejissor Stefan Brize tərəfindən ekranlaşdırılıb və 2015-ci ildə işıq üzü görüb. Layihənin aktyor heyətində Karin de Mirbek, Matye Şaller, Sofyan Qerrab və Ksavye Matyo yer alıb.