Toni

«Toni» filmi günlərini televizor qarşısında döyüş filmlərinə baxmaqla keçirən, qəribə vərdişləri olan tənha bir adamdan bəhs edir. Onun televiziya xaricindəki maraqları da olduqca qeyri-adidir. Baş qəhrəman yaşadığı evin yaxınlığında vaxt keçirən narkotik alverçiləri və küçə qadınları ilə tanış olur, sonra isə onları öz mənzilinə dəvət edir.

Bu qəribə qonaqlıqlar ətrafdakıların heç birinin diqqətini çəkmir. Lakin yaxınlıqda bir uşaq itkin düşdükdən sonra vəziyyət tamamilə dəyişir. Qonşular nəhayət Toninin qapalı həyat tərzinə şübhə ilə yanaşmağa başlayır və onun gizli saxladığı bəzi sirlər üzə çıxır.

Böyük Britaniya istehsalı olan bu triller və dəhşət filminin rejissoru Qerard Consondur. Ekran işi 2009-cu ildə işıq üzü görüb. Əsas rolları Ian Kilgannon, Viki Merdok, Kerri Enn Uayt və Lüsi Flək canlandırıb.