Miss Violence

On bir yaşını indicə qeyd etmiş Anjelikanın eyvandan tullanaraq həyatına son qoyması dəhşətli sarsıntıya səbəb olur. Hadisə yerinə gələn polis intiharın səbəblərini araşdırmağa çalışsa da, qızın ailə üzvləri bir ağızdan baş verənlərin bədbəxt hadisə olduğunu iddia edirlər.

Vaxt keçdikcə bu qapalı ailənin səliqəli və sakit görünüşünün arxasında əslində nələrin gizləndiyi üzə çıxır. Daxildə hökm sürən qaranlıq və xoşagəlməz sirlər addım-addım aşkar olunmağa başlayır.

2013-cü ildə çəkilmiş «Miss Violence» filminin rejissoru Aleksandros Avranasdır. Yunanıstan istehsalı olan bu psixoloji dramda baş rolları Kostas Andalopulos, Reni Pittaki, Giorgos Symeonidis və Vassilis Koukalani canlandırıb.