The Lodge

Valideynlərinin boşanması və analarının intiharından sonra Eyden və Miya böyük sarsıntı keçirirlər. Ataları Riçard yeni sevgilisi Qreyslə evlənməyə hazırlaşır, lakin uşaqlar bu nikaha qətiyyən sevinmirlər. Qreys on iki il əvvəl kütləvi intihar təşkil etmiş təriqət başçısının qızıdır. Buna görə də bacı-qardaş atalarının anasını psixi cəhətdən qeyri-sabit bir qadına dəyişdiyini düşünür.

Uşaqların Qreyslə yaxınlaşmasını istəyən Riçard onları Milad ərəfəsində şəhərdən və insanlardan uzaq bir qış evinə göndərir. Təcrid olunmuş məkanda bir neçə gün keçirmək gərginliyi azaltmalı və yeni ailə bağları yaratmalı idi. Lakin keçmişin dəhşətli xatirələri və soyuq divarlar arasındakı inamsızlıq vəziyyəti daha da çətinləşdirir.

2019-cu ildə nümayiş olunan «The Lodge» filmi ABŞ və Böyük Britaniyanın birgə istehsalıdır. Qorxu və triller janrındakı bu ekran əsərinin rejissorları Severin Fiala və Veronika Frantsdır. Baş rolları Rayli Kio, Riçard Armitec, Ceyden Martell və Alisiya Silverstoun canlandırıb.