Çıxış yolu yoxdur

Britaniya mühəndisləri quyruq hissəsi fərqli quruluşa malik yeni «Renfir» sərnişin təyyarəsini sınaqdan keçirir. Metal üzrə mütəxəssis Dennis Skott qəribə xasiyyətli alim Teodor Houni ilə qarşılaşır. Teodorun hesablamalarına görə, metalın yorulması nəticəsində təyyarə 1440 saatlıq uçuşdan sonra qəzaya uğrayacaq, lakin şirkət rəhbərliyi maşının etibarlı olduğunu iddia edərək bu xəbərdarlığı qəbul etmir. Hətta Labradorda baş vermiş oxşar təyyarə qəzası da insan amili ilə əlaqələndirilir.

Qəzanın əsl səbəblərini yerində araşdırmaq üçün Hounini ezamiyyətə göndərirlər. Göyərtəyə qalxan alim heyətdən öyrənir ki, uçduqları təyyarə artıq kritik saat həddinə çatmaq üzrədir. Sərnişinlər arasında məşhur kinoaktrisa Monika Tisdeyl də var. Təyyarənin hər an parçalana biləcəyini anlayan Teodor uçuşu dayandırmağı tələb etsə də, Monikadan başqa heç kim onu dinləmək istəmir.

1951-ci ildə çəkilmiş «Çıxış yolu yoxdur» triller filmi ABŞ və Böyük Britaniyanın birgə istehsalıdır. Layihənin rejissoru Henri Kosterdir. Əsas rolları Beyzil Epplbi, Dora Brayan, Moris Denem və Pit Mürrey canlandırıblar.