Kədərli fahişələrimi xatırlayarkən

Ömrünün qürub çağını yaşayan qocaman jurnalist həyatı boyu qadınlara qarşı heç vaxt dərin hisslər keçirməyib. O, uzun illər intim münasibətləri yalnız pulla qarşılamağa üstünlük verərək emosional bağlılıqlardan uzaq durub. Lakin gənc bir qızla qarşılaşması qocanın qəlbində ilk dəfə səmimi sevgi oyadır.

Yaşadığı bu gecikmiş hiss «Memoria de mis putas tristes» filminin qəhrəmanını keçmişə dönməyə vadar edir. Yeni duyğuların təsiri ilə o, arxada qoyduğu bütün ömrünü, etdiyi seçimləri və tənhalığını xırdalıqlarına qədər yada salır.

2011-ci ildə ekranlara çıxan filmin rejissoru Henninq Karlsendir. ABŞ, İspaniya, Meksika və Danimarkanın birgə istehsalı olan bu dramda əsas rolları Paola Medina, Evanxelina Sosa, Diego Zinker və Edison Ruis canlandırıblar.