Xatırlanacaq Bir An

Evli sevgilisindən ayrılan Su-cin keçmişi geridə qoyub həyatını yenidən qurmağa çalışır. Bu ərəfədə o, memar olmaq arzusu ilə yaşayan Çol-su adlı bir dülgərlə tanış olur. Gənclər arasında güclü hisslər yaranır və onlar ailə həyatı qurmağa qərar verirlər.

Su-cin doğru insanı tapdığına və xoşbəxtliyə qovuşduğuna inandığı vaxt gözlənilməz sınaqla üzləşir. Qadında yaddaşın itirilməsinə səbəb olan ağır xəstəlik aşkarlanır. İndi cütlük xatirələri silib aparan bu amansız vəziyyətlə cəsarətlə mübarizə aparmalıdır.

2004-cü ildə Cənubi Koreyada istehsal olunmuş «A Moment To Remember» filminin rejissoru Con H. Lidir. Baş rollarda Con U-son, Son Ye-cin, Pek Con-hak və Li Son-cin çəkiliblər.