Medison dairəsinin körpüləri

İtaliyalı Françeska taleyini amerikalı fermerlə bağlayaraq Ayova ştatında iki uşaq anası kimi sakit bir ömür sürür. Həyat yoldaşı və övladları bir neçə günlük başqa ştatdakı yarmarkaya yola düşəndə qadın evdə tək qalır. Həmin günlərdə o, bu yerlərə iş üçün təşrif buyurmuş Robert Kinkeyd adlı fotoqrafla rastlaşır.

«National Geographic» jurnalının tapşırığı ilə qədim taxta körpüləri çəkməyə gələn Robert ilə Françeska arasında qısa müddətdə səmimi və güclü bağlılıq yaranır. Lakin onların illər boyu arzuladıqları bu duyğunu yaşamaq üçün cəmi dörd gün vaxtları var. Ailənin qayıdışı yaxınlaşdıqca hər iki qəhrəman taleyüklü hisslərlə üz-üzə qalır.

«The Bridges of Madison County» filminin rejissoru Klint İstvuddur və o, eyni zamanda əsas kişi rolunu canlandırıb. Françeska obrazını Meril Strip ifa edib, digər rollarda isə Enni Korli və Viktor Slezak çəkiliblər. ABŞ istehsalı olan bu melodram 1975-ci ildə nümayiş olunub.