Gənc qan

«Youngblood» idman dramı atasının fermasından çıxıb böyük idmana can atan Din Yanqbladın həyatından bəhs edir. O, Kanadanın gənclər xokkey liqasında çıxış edərək ən güclü oyunçuya çevrilmək arzusundadır. Vaxtilə eyni komandada oynamış, lakin aldığı zədə üzündən görmə qabiliyyətini qismən itirmiş qardaşı Kelli onun yolunu açmaq üçün təsərrüfatda iki nəfərlik işləyəcəyini bildirir və atalarını razı salır.

Şəhərə gələn saf gənc üçün hər şey gözlədiyindən fərqli cərəyan edir. Kirayə qaldığı evin sahibəsi miss Makgill qısa müddətdə onu yoldan çıxarır, komanda yoldaşları isə təcrübəsizliyinə görə ona lağ edirlər. Üstəlik, Dinin ilk baxışdan aşiq olduğu və hisslərinə qarşılıq verən qız məşqçisinin doğma qızı çıxır.

Film 1986-cı ildə ABŞ-da rejissor Piter Markl tərəfindən çəkilib. Baş rollarda Cim Yanqs, Piter Fossett, Kevin Robinson və Martin Donlevi yer alıb.