Tələbənin şirnikləndirilməsi

Gənc müəllimə Kristi dərslərdən geri qalan şagirdlərinə kömək etmək üçün əlavə vaxt ayırmağa hər an hazırdır. İyirmi yeddi yaşlı qadın zahirən çox gənc göründüyündən, bəzən onu yuxarı sinif şagirdləri ilə səhv salırlar. Kristi ilə fərdi məşğul olan on yeddi yaşlı Coş isə bu qayğını fərqli anlayaraq müəlliməsinə yaxınlaşmağa cəhd edir, lakin dərhal sərt rədd cavabı alır və hadisə barədə məktəb direktoru xəbərdar edilir.

Bu addımdan hiddətlənən şagird müəlliməyə qarşı zorakılıq törətmək həddinə çatanda Kristi polisə şikayət ünvanlayır. Buna cavab olaraq Coş əks-hücuma keçir və Kristinin onu tovlamağa çalışdığını iddia edərək yalan danışmağa başlayır. Şagirdin uydurduğu bu ittiham o qədər inandırıcı səslənir ki, hətta Kristinin öz həyat yoldaşı belə onun müəllimlik həddini aşdığına şübhələnməyə başlayır.

«Tələbənin şirnikləndirilməsi» (Student Seduction) filmi 2003-cü ildə rejissor Piter Svatek tərəfindən ekranlaşdırılmışdır. ABŞ və Kanada istehsalı olan bu gərgin dramda rolları Alan Fouset, Rik Roberts, Rob Smit və Karen Robinson canlandırıblar.