Körpə kədəri

Şəhər kənarında yerləşən evdə dörd azyaşlı uşaq böyüdən ana tədricən ağlını itirməyə başlayır. Qadının psixoloji durumunun pisləşməsi nəticəsində ailədə dəhşətli hadisələr baş verir. Həyat bəxş etdiyi körpələr artıq öz doğma analarının təhlükəli davranışları qarşısında köməksiz qalırlar.

Belə bir vəziyyətdə bütün məsuliyyət ailənin yeniyetmə olan ən böyük oğlunun üzərinə düşür. Bacı və qardaşlarının həyatını xilas etməyə çalışan oğlan, ağlını itirmiş ananın ölümcül təhlükəsindən uşaqları qorumaq üçün yollar axtarır.

2008-ci ildə ABŞ-da istehsal olunmuş «Baby Blues» filmi dram, triller və qorxu janrlarını birləşdirir. Ekran əsərinin rejissorları Lars E. Ceykobson və Amardip Kalekadır. Əsas rolları Çip Leyn, Noel Monteleoni, Holden Tomas Meynard və Brekston Uilyams canlandırıblar.