Çıxış Yoxdur

Darbi anasının ağır vəziyyətdə xəstəxanaya düşdüyünü öyrənən kimi müalicə mərkəzindən qaçır. O, maşın qaçıraraq Solt-Leyk-Sitiyə yollanır, lakin güclü qar fırtınası onun planlarını pozur. Nəticədə gənc qadın yol kənarındakı sığınacaqda hava şəraitinin düzəlməsini gözləməli olur. Həmin yerdə ondan başqa daha dörd nəfər — yaşlı ər-arvad və iki gənc oğlan var.

Telefon şəbəkəsi axtarmaq üçün həyətə çıxan Darbi oradakı mikroavtobusların birində əli-qolu bağlı kiçik bir qız uşağı görür. Avtomobil sığınacaqdakı insanlardan birinə məxsusdur. «No Exit» filmində o, qapalı məkanda olan dörd yad adamdan hansının cinayətkar olduğunu anlamağa çalışır.

2022-ci il ABŞ istehsalı olan bu gərgin dram və trillerin rejissoru Demien Pauerdir. Baş rolları Denni Ramires, Devid Risdal, Benedikt Uoll və Devid Cordan Çen canlandırıblar.