Əkiz

Gənc ər-arvad başlarına gələn ağır faciəni unutmaq və güc toplamaq üçün ucqar kənd yerinə köçürlər. Onlar yeni məkanda sakitlik tapacaqlarına ümid bəsləyirlər. Lakin şəhərdən uzaq bu ev ailəyə dinclik deyil, dəhşət dolu anlar bəxş edir.

Az sonra oğulları Elliotun hərəkətlərində qəribəliklər yaranır. Uşaq gecələr yanına o biri dünyadan naməlum bir varlığın gəldiyini söyləyir. Ana övladının ruhunu qorumaq naminə qorxunc bir mübarizəyə qoşulmaq məcburiyyətində qalır.

«The Twin» («Əkiz») qorxu filmi 2022-ci ildə Finlandiyada çəkilib. Ekran əsərinin rejissoru Taneli Mustonendir. Əsas rolları Stiven Kri, Barbara Marten, Tiiu Uybo və Rayvo Trass canlandırıblar.