Günorta ulduzları

Nikaraquada ilişib qalan amerikalı müxbir Triş oradan çıxmaq üçün bir yol axtarır. Bu ərəfədə o, Deniel adlı sirli bir ingilislə tanış olur və ona aşiq kəsilir. Qadın bu adamın köməyi ilə nəhayət ölkəni tərk edə biləcəyinə ümid bəsləyir.

Çox keçmədən vəziyyət tamam başqa cür cərəyan etməyə başlayır. Triş anlayır ki, onun sevgilisi heç də etibarlı sığınacaq deyil və əslində Denielin özü daha böyük təhlükə ilə üz-üzə qalıb.

«Stars at Noon» filmi rejissor Kler Deni tərəfindən ekranlaşdırılıb. ABŞ, Fransa və Panama istehsalı olan bu dramatik triller 2022-ci ildə işıq üzü görüb. Əsas rollarda Marqaret Kuolli, Con Si Rayli, Robin Duran və Karlos Serrano çəkiliblər.