Resolution

Maykl köhnə dostu Krisdən qəribə bir video məktub alır. Həmin görüntülərdə Krisin meşəlikdə maddə qəbul edərək özündən çıxdığı əks olunur və ismarıca məkanın koordinatları da əlavə edilir. Qeyd olunan ünvana yollanan Maykl dostunu yarımçıq qalmış köhnə bir evdə, ağır vəziyyətdə tapır və onu asılılıqdan xilas etmək üçün qandallayıb divara bağlayır.

İki dost bu tənha yerdə düz yeddi gün keçirməyə məcbur olur. Kris çətin bir sağalma prosesindən keçdiyi vaxtda, Maykl ətrafdakı ərazidə sirli və şübhəli əşyalar aşkar edir. Bu tapıntılar meşənin dərinliyində onların hər addımını izləyən naməlum birinin olması ehtimalını gücləndirir.

2012-ci ildə ABŞ-da istehsal olunmuş «Resolution» filmi dram və qorxu janrlarını birləşdirir. Ekran əsərinin quruluşçu rejissorları Castin Benson və Aaron Murheddir, rollarda isə Bill Oberst kiçik, Aaron Murhed, Devid Louson kiçik və Coş Hiqqins çəkiliblər.