Bürünc

Houp Enn Qreqori erkən yaşlarından bütün vaxtını gimnastikaya həsr edərək çempionluq arzusunda idi. Lakin onun ən böyük nailiyyəti 2004-cü il Olimpiya Oyunlarında qazandığı bürünc medal oldu, yarışda aldığı zədə isə idman yolunu birdəfəlik bağladı. On il keçməsinə baxmayaraq, Houp doğma kiçik şəhərində eyni idman geyimində gəzir, zərərli qidalarla qidalanır, atası ilə mübahisə edir və özünü hələ də hamının tanıdığı yerli ulduz hesab edir.

Köhnə məşqçisinin gözlənilməz intiharı onun qayğısız günlərini dəyişir. Qəhrəmana şəhərin yeni yetişən gənc gimnastına məşqçilik etmək təklifi verilir. Lakin keçmişdəki şöhrətinə sığınan birisi üçün yeni bir rəqibin parlaması heç də arzuolunan deyil.

«Bürünc» filmi 2015-ci ildə ABŞ-da Brayan Bakli tərəfindən çəkilib. İdman komediyasında əsas rolları Melissa Rauş, Stefani Bertoni, Deyl Raul və Loqan Fray canlandırıb.