Dahi ata

Özünü əsl usta hesab edən qeyri-adi ixtiraçı Robert Aksel uzun müddət böyük uğur içində yaşayır. Lakin hazırladığı növbəti məhsul minlərlə alıcının xəsarət almasına səbəb olduqda, hər şey bir anda məhv olur. Bu ağır xətanın cəzası kimi o, səkkiz ilini həbsxanada keçirməli olur.

Azadlığa çıxdıqdan sonra «Dahi ata» filminin qəhrəmanı itirdiyi etibarını və milyonluq biznesini bərpa etmək qərarına gəlir. Lakin onun heç qalmağa yeri belə yoxdur. Böyük planları həyata keçirməzdən əvvəl Robert 22 yaşlı qızını yola gətirməli və onun evində sığınacaq tapmalıdır.

Komediya və dram janrında çəkilmiş bu ABŞ filmi 2010-cu ildə işıq üzü görüb. Ekran işinin rejissoru Trent Kuperdir, əsas obrazları isə Brett Rays, Hizer Qrem, Cek Makqi və Marel Medina canlandırıb.