Qonşuluqdakı cəhənnəm

Anasının vəfatından sonra atası ilə münasibətləri pisləşən Sara müstəqil həyata addım atmaq üçün Los-Ancelesdə kiçik bir yaşayış kompleksində mənzil kirayələyir. İlk baxışdan bura onun üçün əsl tapıntı təsiri bağışlayır. Mehriban qonşular bir-birinə qayğı göstərir, tez-tez birlikdə əyləncəli məclislər təşkil edirlər.

Lakin gecələr eşidilən naməlum səslər Saranın rahat yatmasına imkan vermir. Çox keçmədən gənc qız bu mehriban insanların əslində nələr gizlətdiyini öyrənir və onların qaranlıq üzü ilə qarşılaşır.

ABŞ istehsalı olan «Qonşuluqdakı cəhənnəm» (1BR) triller filmi 2019-cu ildə nümayiş olunub. Ekran əsərinin rejissoru Devid Marmordur, əsas rolları isə Heyli Cillz, Ernestin Fillips, Kleyton Hoff və Piter Teplinq canlandırıblar.