Away and Back

Cek göl kənarındakı evində təkbaşına üç övlad böyüdür. Onların məskunlaşdığı ərazi ornitoloqların qu quşlarını tədqiq etdiyi milli parkla həmsərhəddir. Günlərin birində bir cüt qu quşu məhz bu ailənin yaxınlığında özünə yuva qurur və bu vəziyyət balaca Frenki ilə Kaylın marağına səbəb olur.

Uşaqların yuvaya yaxınlaşması quşların qəzəbinə səbəb olur; ərazilərini qoruyan heyvanlar onlara hücum edərək uşaqlardan birini yaralayır. Quşlar gecə vaxtı bir daha insanların yaşadığı yerə doğru uçur, lakin bu uçuş onlardan biri üçün həyatının sonu ilə nəticələnir.

«Away and Back» dram, komediya və melodram elementlərini birləşdirən ABŞ istehsalı olan tammetrajlı bədii filmdir. 2015-ci ildə ekranlara çıxan ekran əsərinin rejissoru Ceff Bleknerdir, rollarda isə Bernard Starlight, Rayan Nortkott, Carod Cozef və Devid Lerini çəkiliblər.