Mühacir

1921-ci ildə Eva bacısı Maqda ilə birlikdə doğma Polşanı tərk edərək Nyu-Yorka gəlir. Lakin gənc qadınların ümidləri limandaca sarsılır: vərəmə yoluxduğu aşkarlanan Maqdanı karantinə yerləşdirirlər. Yad şəhərdə tək-tənha və çaşqın qalan Eva isə deportasiya edilmək təhlükəsi ilə üz-üzə gəlir.

Bacısına kömək etmək və ölkədən qovulmamaq üçün çıxış yolu axtaran Eva, Bruno adlı bir nəfərə müraciət edir. Həmin şəxs gözlənilmədən kömək təklif edir və qəhrəmanın sonrakı həyatı bu tanışlıqla sıx bağlanır.

ABŞ istehsalı olan «Mühacir» («The Immigrant») dram filmi 2013-cü ildə rejissor Ceyms Qrey tərəfindən çəkilib. Ekran əsərində əsas rolları Xoakin Feniks, Patrik Holden O’Nill, Frensin Daveta və Metyu Hamfriz canlandırıblar.