Tango libre

Həbsxana nəzarətçisi hər həftə qatıldığı tanqo dərslərində bir qadınla tanış olur. Çox keçmədən onlar nəzarətçinin çalışdığı cəzaçəkmə müəssisəsində yenidən qarşılaşırlar, çünki qadın məhbus olan ərini ziyarət etməyə gəlir.

Zaman keçdikcə nəzarətçi qadının dolaşıq şəxsi münasibətlərinin içinə çəkilir. Eyni vaxtda dəmir barmaqlıqlar arxasındakı məhbuslar da rəqsə maraq göstərərək həbsxana daxilində öz tanqo məşğələlərini təşkil etmək qərarına gəlirlər.

«Tango libre» filmi rejissor Frederik Fonteyn tərəfindən 2012-ci ildə ekranlaşdırılıb. Fransa, Belçika və Lüksemburq istehsalı olan bu dram layihəsində əsas rolları Fransua Damiens, Enn Politseviç, Didye Leşyen və Zahari Şasserio canlandırıb.