Vivari

Müəllimə Cemma və sevgilisi Tom birlikdə yaşamaq üçün ev axtararkən qəribə bir rieltorla qarşılaşırlar. Həmin agent cütlüyü şəhər kənarında yerləşən, bir-birinin eyni olan binalardan ibarət yeni qəsəbəyə aparır, doqquz nömrəli evi göstərir və qəfildən yoxa çıxır.

Ərazini tərk etmək istəyən gənclər bütün yolların onları yenidən eyni doqquzuncu evin qarşısına çıxardığını görürlər. Çıxılmaz vəziyyətdə qalan cütlük binanı yandırsa da, ertəsi gün ev yenidən bərpa olunur və qapıda qutu içində körpə peyda olur; qutudakı qeyddə uşağı böyütmək müqabilində azadlıq vəd edilir.

2019-cu ildə çəkilmiş «Vivari» fantastik trilleri İrlandiya, Danimarka və Belçikanın birgə istehsalıdır. Filmin rejissoru Lorkan Finneqandır, əsas rolları isə İmodjen Puts, Olqa Verli, Daniel Rayan və Enna Hardvik canlandırıblar.