Aloha

Əfqanıstandakı uğursuz gizli əməliyyatdan və ağır xəsarətlərdən sonra hərbi məsləhətçi Brayan Qilkrest uzun müddət fəaliyyətsiz qalır. Əvvəllər birlikdə çalışdığı milyarder Karson Uelç ona yeni bir imkan təklif edir. Brayan uzun fasilədən sonra Havay adalarına yollanmalı olur.

Onun əsas hədəfi fəaliyyətini dayandırmış hərbi baza ərazisində kosmodrom inşa etmək üçün yerli rəhbərlə razılığa gəlməkdir. Eyni zamanda o, müdafiə nazirliyi ilə birgə hazırlanan xüsusi peykin orbitə buraxılmasına nəzarət etməlidir. Bu tapşırıq zamanı Qilkrestə bələdçilik etmək ABŞ hərbi-dəniz qüvvələrinin pilotu Ellisona tapşırılır.

2015-ci ildə ABŞ-da istehsal olunmuş «Aloha» filminin rejissoru Kemeron Kroudur. Ekran əsərində rolları Emma Stoun, Bill Mürrey, Şuqa Lin Bird və Led Kaapana ifa ediblər.