Dərin təsir

Roksana azad dalğıc üzrə dünya çempionu Paskal Gotye ilə tanış olduqdan sonra ona qarşı güclü hisslər bəsləməyə başlayır. Sevdiyi insanın təsiri ilə o, həddindən artıq təhlükəli və mürəkkəb olan bu sualtı idman növünün sirlərini öyrənməyə qərar verir.

Cütlük müxtəlif ölkələrdə təşkil edilən yarışlarda iştirak etmək üçün dünyanı gəzir. Roksana hər yeni dalışla öz fiziki imkanlarının sərhədlərini aşır. Zaman keçdikcə bu çılğın sevgi münasibəti idmançının bütün həyatını əhatə edir və cütlüyün taleyini qeyri-müəyyənliyə doğru aparır.

Rejissor Devid M. Rozentalın çəkdiyi «Dərin təsir» («Sous emprise») filmi 2022-ci ildə Fransada istehsal olunub. Real hadisələr əsasında lentə alınan layihədə Sezar Domboy, Müriel Kombo, Antonin Şopfer və Zahari Şasserio kimi aktyorlar rol alıb.