Sevgi və digər zoopark

Qaspar Parisə köçdükdən sonra doğmaları ilə bütün əlaqələrini kəsmişdi. İllər sonra o, atasının növbəti toy mərasimində iştirak etmək üçün böyüdüyü evə yollanmağa qərar verir. Yolda təsadüfən qarşılaşdığı qeyri-adi xarakterli Lora adlı qıza toya onun sevgilisi qismində getməyi təklif edir.

Bu təklifi qəbul edən gənc qadın qarşıdakı günlərdə onu nələrin gözlədiyindən tamamilə xəbərsizdir. Qasparın ailəsi bütöv bir heyvanxananı idarə etdiyi üçün o, çoxsaylı vəhşi canlıların arasında qalmalı olur. Üstəlik, təbiət qoruğunun sahibləri olan ailə üzvləri də az qala həmin vəhşi heyvanlar qədər qəribə xasiyyətlərə malikdirlər.

2017-ci ildə ekranlara çıxan «Gaspard va au mariage» filmi Fransa və Belçika istehsalı olan dramatik komediyadır. Layihənin rejissoru Antoni Kordyedir. Əsas rolları Feliks Moati, Letisiya Doş, Yohan Heldenberq və Noémie Alazard-Vachet canlandırıblar.