Mina

Afrika səhrasında uğursuzluqla nəticələnən hərbi tapşırıqdan sonra amerikalı əsgər təkbaşına qalır. Qəhrəmanın ayağı qəfil partlayıcı qurğuya toxunur və o, tələyə düşür. Tərpənmək mümkün deyil, çünki ayağını qaldıracağı təqdirdə mina dərhal işə düşəcək.

Olduğu yerdə donub qalan döyüşçü təbiətin amansız sınaqları ilə üzləşir. O, şiddətli qum fırtınalarına və yırtıcı heyvanlara qarşı durmaqla yanaşı, tədricən artan ümidsizlik və daxili qorxuları ilə mübarizə aparır.

2016-cı ildə ekranlara çıxan «Mine» dramatik trilleri ABŞ, İspaniya və İtaliyanın birgə istehsalıdır. Filmin rejissorluğunu Fabio Qualyone və Fabio Rezinaro etmiş, əsas rolları isə Armi Hammer, Tom Kallen, Devid Kirk Treylor və Edoardo Purqatori canlandırmışlar.