Twarz

Yatsin xarici görkəmi ətrafdakıların diqqətini çəkir, özü isə ağır rok musiqisini və sevimli itini hər şeydən çox sevir. O, dünyanın ən hündür İsa Məsih heykəlinin tikintisində çalışır, axşamlarını isə sevgilisi ilə rəqs meydançasında əylənərək keçirir.

İş zamanı baş verən ağır qəza onun həyatını tamamilə alt-üst edir. Həkimlər möcüzə nəticəsində gəncin həyatını qurtararaq ona başqa bir insanın üzünü köçürürlər. Əməliyyatdan sonra ölkə miqyasında məşhurlaşsa da, Yats və doğmaları üçün bu yeni simanı qəbul etmək gözlənildiyindən daha çətin olur.

«Twarz» adlı filmin rejissoru Malqojata Şumovskadır. 2017-ci ildə Polşada istehsal olunmuş dram və komediya janrlı ekran əsərində baş rolları Yulyuş Xşonstovski, Aqneşka Podsyadlik, Dariuş Xoynatski və Anna Tomaşevska canlandırıblar.