Kabus hekayələri

Psixologiya professoru Qudman hər şeyə şübhə ilə yanaşmağa və qeyri-adi hadisələri elmi cəhətdən araşdırmağa vərdiş edib. O, fövqəltəbii hadisələrlə qarşılaşdıqlarını iddia edən üç fərqli insanın hekayəsini tədqiq edir. Həmin şəxslər gecə gözətçisi, bir yeniyetmə və biznesmendən ibarətdir.

Şahidlərin dediklərini təhlil edən alim əvvəlcə prosesi kənardan izləyir. Lakin o biri dünyadan gözlənilməz bir mesaj aldıqdan sonra vəziyyət dəyişir. Qudman tədricən hadisələrin mərkəzinə çəkilir və prosesin fəal iştirakçısına çevrilir.

«Ghost Stories» adlı Böyük Britaniya istehsalı olan qorxu və dram filmi 2017-ci ildə ekranlara çıxıb. Ekran əsərinin rejissorları Endi Nayman və Ceremi Daysondur. Baş rolları Kobna Holdbruk-Smit, Pol Uorren, Derren Braun və Deniel Hill ifa ediblər.