Oyun

Şrikrişna kənd kinoteatrında kinooperator işləyən atasının sayəsində böyük ekranda böyüyüb və dünyanı kinofilmlərdəki kimi görür. Varlı dövlət məmurunun oğlu Viki isə hərəkətlərinin cəzasız qalacağına dərindən inanır. O, törətdiyi qətldən sonra asanlıqla azadlığa buraxılsa da, tələbələr, o cümlədən Satya buna etiraz aksiyası ilə cavab verirlər.

Vikinin gözü etirazçılar arasında gördüyü Satyanı tutur və o, qızla evlənməyə qərar verir. Təqibdən qaçmağı bacaran Satya təsadüfən Şrikrişna ilə rastlaşır. Gənc oğlan qıza ilk baxışdan aşiq olur və hadisələr gözlənilməz axara düşür.

2007-ci ildə çəkilmiş Hindistan istehsalı olan «Oyun» (Aata) filmi komediya, dram və melodram janrlarını birləşdirir. Ekran əsərinin rejissoru V.N. Adityadır. Əsas rolları Siddharth, İleana D'Kruz, Munna və Cayaprakaş Reddi canlandırıblar.